Plantun de Prouvènço

Pèr coumpara dos planto d'encò nostre

Fumana procumbens & Euphorbia characias

Fumana procumbens

Cistaceae

Nom en français : Fumana à tiges retombantes.

Descripcioun :
Aquesto massugueto trachis dins li tepiero seco, li roucaio e de cop que i'a li sablo. Es uno planto di proun lignouso que rebalo au sòu e mounto gaire. Li fueio dounon d'èr à Fumana ericifolia, pamens li pecou di flour soun eici courtet, sènso glando, di proun espès e toumbon un cop li fru madur.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 3 à 15 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Fumana
Famiho : Cistaceae

Ordre : Malvales

Coulour de la flour : Jauno
Petalo : 5
Ø (o loungour) flour : 9 à 16 mm
Flourido : Printèms - Estiéu

Sòu : Ca (Si)
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Roucaio - Blachiero - Sablo
Estànci : Mesoumediterran à Mountagnard
Couroulougi : Éurasiatico-Cèntre-Ouèst
Ref. sc. : Fumana procumbens (Dunal) Gren. & Godr., 1847

Lachusclo

Euphorbia characias

Euphorbiaceae

Àutri noum : Chusclo, Jusclo, Lachousclo, Chousclo, Chassugo.

Noms en français : Euphorbe characias, Euphorbe des garrigues.

Descripcioun :
Planto coumuno de nòsti garrigo que pousso en mato bouissounouso que podon faire mai d'un mètre d'aut. Li cambo soun forto e lignouso emé de fueio espesso. La flour a de bèlli glando rouginasso emé de pichòti bano.

Usanço :
Coume tóuti lis meno d'Euphorbia, la lachusclo es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco. Pamens, poudès vous n'en servi pèr crema li berrugo. Ei bon peréu pèr sougna li mouchourlo de fedo e de chivau. Lis ancian se n'en servien pèr tua li pèis de ribiero e pèr aganta li passeroun emé lou visc.